Home

Ri ACOTCHI (Associación de Comadronas Tradicionales de Chimaltenango)jun k'exelom molaj aj ri departamento richin Chimaltenango, Iximulew. Xtikir ri octubre 2,004 roma ri taq kik'atzin ri k'exeloma'. Nsamäj janila pa ruwi' ri k'exelom na'oj chuqa' ri kik'aslemal ri k'exeloma' chi k'o chupan ri molaj.

ACOTCHI nrajo' chi ronojel ri k'exeloma' yetikir yetzijon chuqa' yecha'on chupan ri molaj. Ri na'oj re' k'atzinel roma k'o chi nchojmirsax ri kiyab'ilar ri ixoqi' koyob'en chuqa' ri taq ne'y pa ronojel ri departamento. Chuqa' ri ACOTCHI nuya' tijonïk chike ri kexeloma', k'a ri njote' reqalen ri kisamaj. Ri tijonïk re' achi'el pa ruwi' ri pwäq, ri sik'inïk chuqa' tz'ib'anïk, ri aq'om q'ayïs chuqa' ojer aq'om nojib'äl, chuqa' ri taq samaj ri kaq'a' ri ixoqi'.

Chuqa' ACOTCHI nub'än taq aq'omanïk chupan ri ka'i' tinamït akuchi' nk'oje' wi wakamin. Tikirel ri taq aq'omanïk wakamin roma jujun aq'omanela' nkiya' ramaj po majun nkitoj ta. Ri aq'omanela' re' chuqa' yetikir yeto'on wi jun k'exelom nrïl jun ixöq royob'en xupo' ri' yalan yawa'. Pa k'isib'äl k'o jun aq'om k'ayb'äl richin ri ACOTCHI akuchi yetikir nkilöq wi ri aq'om qasan rajil ri winaqi'.